08/19/2011 13:46:35

Flugvirkjanám á Íslandi? - Staða verkefnis

Á næstu 10 árum er talið að muni skorta um 50.000 flugvirkja í heiminum.  Ekki eru mjög margir skólar að sinna þessari kennslu.  Þannig er t.d. ekkert flugvirkjanám á Íslandi.  Nemendur héðan fara helst til Danmerkur eða Skotlands.  Keilir hefur fullan hug á að koma upp námi í flugvirkjun hérlendis.  Vitum við af miklum áhuga hér innanlands en ekki síður ætlum við að bjóða erlendum nemendum að koma hingað.  Í samstarfi Keilis, ITS (Icelandair Technical Services) og Háskólavalla var sótt um styrk í Vaxtasjóð Suðurnesja.  Hefur hann verið nýttur til að vinna hagkvæmnikönnun á málinu.  Var leitað til eins stærsta flugvirkjaskóla í Evrópu (ATT) um ráðgjöf og tillögur.  Liggja þær nú fyrir.  Samkvæmt þeim er eindregið mælt með því að aðilar stigi þetta skref.  Telja sérfræðingar að auðvelt verði að fá hingað erlenda nemendur enda aðstaðan á Ásbrú (með ódýrar o glæsilegar íbúðir) einstök.
Næstu skref eru að vinna úr tillögum sérfræðinganna bresku og koma undirbúningi á fullt stig.  Við viljum þakka sérstaklega samstarfið við Vaxtasjóðinn og teljum að styrkurinn til þessa verkefnis geta skapað hér skemmtileg tækifæri í atvinnulífinu sagði Hjálmar Árnason, framkvæmdastjóri Keilis.

Til baka

Samband sveitarfélaga
á Suðurnesjum

Skógarbraut 945,
235 Reykjanesbær.
Sími: 420-3288
www.sss.is